English | 简体中文 | 繁體中文 | 한국어 | Русский | Af Soomaali | Español | Tagalog | Tiếng Việt
Nagbibigay ng pangkalahatang-ideya ang Plano ng Estado ng Washington para sa taong 2025 hanggang 2029 tungkol sa progreso at epekto ng batas sa Pagbawas ng Pagko-commute. Ang Komite ng Teknikal para sa Pamamahala ng Pangangailangan sa Transportasyon (Transportation Demand Management, TDM) ang bumubuo ng Plano ng Estado para sa Pagbawas ng Pagko-commute tuwing ikaapat na taon: RCW (Revised Code of Washington) 70A.15.4060(3). Humihingi ang WSDOT (Washington State Department of Transportation) ng feedback mula sa mga kasosyo at publiko tungkol sa planong ito para makapagbigay ng impormasyon sa mga resulta at aksyon para sa Programang CTR ng Estado.
Ang Plano ng Estado para sa Pagbawas ng Pagko-commute para sa taong 2025 hanggang 2029 ay update ng layunin 1 ng Planong Estratehiya ng TDM para sa 2019-2023: dagdagan ang paggamit ng mas maayos na paraan ng transportasyon para sa pagko-commute. Kasama rin sa plano ang mga umuusbong na uso na sumusuri sa mga pagbabago sa kalagayan ng transportasyon mula nang dumami ang nagtatrabaho mula sa bahay. Hango rin ang Plano sa 2024 Equity Study at ipinapakita ang mga binagong resulta tulad ng:
- Palawakin ang saklaw ng pagbawas ng pagko-commute para mabawasan ang hirap sa transportasyon ng mga mahahalagang manggagawa at mga populasyong matagal nang hindi nabibigyan ng sapat na serbisyo.
- Maghanap ng mga bagong oportunidad para sa pondo at grant para mapalawak at masuportahan ang mga programa sa pamamahala ng pangangailangan sa transportasyon, hindi lamang para sa mga populasyong apektado ng pagbawas ng pagko-commute.
- Isama ang mga prinsipyo ng patas na pamamahagi ng pondo at disenyo ng grant.
Kung interesado kang magbigay ng feedback tungkol sa planong ito, makipag-ugnayan sa Espesyalista sa Pagpaplano ng Transportasyon ng CTR na si Wren Barulich sa Wren.Barulich@wsdot.wa.gov o tumawag sa 360-705-6926.