Ñaat ei ear jino Jerbal in Katak eo Mokta an SR99?
Katak eo ear jino ilo 2022 botab ear bōjrak ilo 2023 ñan an loore mennin aikuj ko rekāāl ilo kakien im bar ebōk jāān ñan kolla wonnen. Kōn jāān eo rej kab bōke, ekkar jino jerbal eo ilo 2024 im emōj katmane an naj bōjrak ilo 2025.
Ewi wāween an Katak in loor kallimur im jimwe in jerbal ko an WSDOT?
Burojeek eo ej kwalok kallimur eo an WSDOT ñan Kadedelok Ial ko, im ej loloorjak an ial ko ejellok uwōta in jorrāān im aoleben remaron kōjerbale —jekdoon ro rej etetal ilal, bajikol, debilbil, kattōr, ak kōjerbal wa ko ilobelej. Kadedelok Ial ko rej ial ko aoleb rej kōjerbali. Juon ial eo ej jibañ aoleb wāween ito tak im elablok an aoleb maron kōjerbale, ejellok inebata, emmon wonnen, kejbarok mejatoto im ejejjet ilo jikin ito tak eo emōj lelok.
Kōm ej bar kōjerbal jimwe in jerbal ko ilo Kakien ñan an Ājmour AOLEB armej ilo Jikin (Healthy Environment for All (HEAL) Act), im ej kajinete opij ko an state ñan lale kalijeklok ko ilo ājmour im rejelōt jukjukinbed ko edik aer kein jerbal. Rijerbal ro an WSDOT renaj etale wāween an jerbal in kōkmanmanlok emōj rōjañ jab jibañe jukjukinbed im armej ro remojno im enaj bōk melele jen armej ro rej ioone wāween kein ñan kalikar wāween jerbal ko ñan kadiklok jorrāān im kōlablok jibañ ñan aoleb ro rej koba ibben burojeek in. WSDOT ej kōjerbal Mab in Kalijeklok ko ikijen Ājmour io Jikin eo an Washington (Environmental Health Disparities, EHD), melele jen bōnōbōn im jen armej ro ilo jukjukinbed ñan jibañ an kōmman jerbal in.
Ta tōbrak eo jen Katak eo?
Ej woñmaanlok an armej ro ilo jukjukinbed, bwij, im opij bōk kwōnaer ilo katak eo.
Laajrakin Ien:
- Juun – Jeptomba 2024: Etale jekjekin ial ko kiō im ilo jeklaj iturin Katak eo an Ial Aitok eo ilo SR 99.
- Jeptomba – Tijemba 2024: Kōmmane kōnaan im aikuj ko ilo jerbal in katak eo kōn ial ilo ad kōjerbal melele ko rej itok jen armej ro ilo jukjukinbed im opij im jekjekin ial ko ilo ien in.
- Janwode – Maaj 2025: Kōmmane kelet wāween kōkmanmanlok ko.
- Maaj – Mae 2025: Kabōk melele jen armej ro ilo jukjukinbed im opij eo kōn kelet in wāween ko ilo jerbal in katak eo. Bar kōmmane wāween ko ñan kōkmanmanlok jerbal ilo aer kōjerbal melele ko rej itok jen armej im etale in melele ko.
- Mae – Jeptomba 2025: Kabōk melele jen armej ro ilo jukjukinbed im opij eo ñan kelet in wāween ko remaron kōkmanmanlok, ta ko rekōnaan, ta ko remaron jañiji.
- Oktoba – Tijemba 2025: Etale wāween ko ñan bar kōmmane jerbal in kōkmanmanlok ilo aer kōjerbal melele ko rej itok jen armej ro ilo jukjukinbed im opij im etale ko jen melele ñan kōmmane rōjañ eo an katak im kalikar ta ko remaron naj emmon ak jab emmon.
Jete wonnen katak eo? Jāān eo ej itok jen ia?
Katak eo ear bõk jāān eo ej $800,000 jen Sandy Williams Connecting Communities Grant, $945,918 jen Puget Sound Regional Council Equity Grant im $147,613 kōn jāān ko jen WSDOT.
Ta melele ko emōj lelok ñan kiō im ewi wāween aer kar kakobaiki melele ko ñan jerbal in?
Ilo 2022 kajjitōkin ko kein kajuon ekkar bōk melele jen 350 kajojo armej ñan lale ta aer lomnak kōn katak eo an ial aitok eo ilo SR 99. Melele kein rar letok ekkar jibañ an WSDOT kōmmane wūnin im aikuj ko an katak eo.
Jen jemlokin lok 2024, an armej ro ilo jukjukinbed bōk kwōnaer ekoba kwelok ibben juon kumi eo ej lale jerbal jimwe, kwelok ibben armej ro uwaan jukjukinbed ilo kumi ko rej lale jejjetin aikuj, etal ñan makūtkūt ko rej kōmmane ilo jukjukinbed, im lelok melele ñan doulul ko rej bed ilo jukjukinbed eo. Kenono ibben armej ro roktak ilo jukjukinbed eo, kumi ko an jukjukinbed im jerbal ibben kien ko an kajojo jikin ko emōj aer kar kwalok aer kōnaan kōkmanmanlok jejjetin jikin ko im bareinwōt aoleben bulaan ko an ial aitok. Amim kar lelok im bōk melele ekkar jibañ amim jelā ta eo armej ro ilo jukjukinbed eo rekōnaan ñan:
- Jikin etetal ko elablok an ejellok uwōta ñan jorrāān ewōr meram in teinki im edebakbak lok ial in etetal ko
- Lablok im emmonlok ko ilo jikin kuroj ko an armej ro rej etetal ilal ilo SR 99, ial jidik ko im jikin ettōr ko iturin em, ekoba ñan kajojo armej ro ewōr aer nañinmej
- Ial ko an wa
- Emmonlok jain im kakōlle ko iloan ial ñan ro rej etetal ilal im bajikol
- Emmonlok, im lablok kejbarok, ial ko an bajikol
- Em in kōjato ko ilo jikin baj ko, jea in jijjet ko, im jikin bōjrak ko Kakien eo ej Kejbarok Armej in Amedka ro ewōr aer Nañinmej (Americans with Disabilities Act, ADA) remaron kōjerbale
- Kadiklok joñan mokaj ko an wa.
