Inilalarawan ng mga sumusunod na pahina kung paano makaapekto sa mga manlalakbay at residente ang work zone ng stage 2a na proyekto sa panahon ng konstruksyon.
SR 161/North Meridian Avenue na hilaga ng Puyallup River
- Sa tag-init ng 2025, maglalagay ng isang pansamantalang may ilaw na lakaran sa kanlurang bahagi ng SR 161/North Meridian Avenue sa pagitan ng North Levee Road at Valley Avenue habang ginagawa ang bagong diverging diamond interchange.
Puyallup River Bridge
- Sa 2026, pansamantalang magsasara ang bangketa sa silangang bahagi ng Puyallup River Bridge para gumawa ng may bakod na daanan na maaaring gamitin ng mga hindi nakasasakyan. Mananatiling bukas ang bangketa sa kanlurang bahagi sa panahon ng konstruksyon. Ang bagong daan na ginagamit ng iba’t ibang tao ay buksan sa publiko sa 2027.
North Meridian Avenue timog ng Puyallup River
- Sa unang bahagi pa lang ng taglagas ng 2026, gagawa at maglalagay na ang mga tauhan ng kontruksyon ng mga signage para sa mga pansamantalang daanan ng mga tao sa intersection ng East Stewart Avenue at North Meridian Avenue. Magbubukas sa publiko ang mga bagong bangketa sa lokasyong ito sa 2027.
Maaaring maglagay ng iba pang pansamantalang daanan ng mga tao sa panahon ng konstruksyon. Dapat pansinin at palaging sundin ng mga gumagamit ng mga rutang ito ang mga karatula ng daanan.
Konstruksyon ng bagong tulay, trail, pagtambak ng lupa at interchange
Sa pagitan ng tagsibol 2025 at taglagas ng 2026, gagawa ang mga tauhan ng mga pagtambak para sa mga bagong tulay at rampa ng expressway, bagong diverging diamond interchange, mga pagpapahusay sa kalsada at mga bahagi ng bagong maraming gamit na trail.
- Maaaring makakita ang mga miyembro ng komunidad ng mas maraming trak sa mga lokal na kalsada habang naghahakot ng lupa at iba pang materyales ang mga tauhan papunta sa mga ginagawang lugar sa panahong ito.
- Makikita din ng mga miyembro ng komunidad sa Puyallup ang maliliit at malalaking kagamitan sa konstruksyon sa mga ginagawang lugar, makakaranas ng paminsan-minsang pagsasara ng daan at makakarinig ng ingay sa araw habang nagtatrabaho ang mga tauhan.
Pagsira ng Old Puyallup River Steel Truss Bridge
Sisirain ng WSDOT ang isinarang steel truss na tulay sa Puyallup River sa taglagas ng 2025. Isasagawa ang pagsisira sa araw. Gagamit ng malalaking makinarya ang mga tauhan para sirain ang lumang tulay.
- Maaasahan ng mga miyembro ng komunidad ang dagdag na ingay habang sinisira ang tulay at hinahakot palayo. Pananatilihin ng mga tauhan ang isang bahagi ng makasaysayang tulay na ilalagay sa spuyaləpabš Trail bilang makasaysayang palatandaan.
SR 161/North Meridian Avenue
Sa lalong madaling panahon sa tag-init ng 2025, ang mga tauhan ay magtatayo ng mga bypass lane sa silangan ng interchange sa SR 167 at SR161 / North Meridian Avenue na nagpapahintulot sa mga driver na ligtas na maglakbay sa parehong direksyon sa paligid ng mga lugar ng trabaho sa proyekto.
- Isasagawa sa araw ang karamihan sa mga trabaho, ngunit dapat asahan ng mga motorista ang pansamantalang pagsasara ng daanan ng SR 161 at SR 167 sa gabi sa pagitan ng tag-araw at unang bahagi ng taglagas 2025 habang ginagawa ang bypass.
- Kapag binuksan na, ikokonekta ng bagong bypass na ruta ang SR 167 at North Levee Road hanggang 2027. Ganap na isasara ng WSDOT ang SR 161/North Meridian Avenue sa pagitan ng River Road at Valley Avenue sa isang weekend bago buksan sa publiko ang bagong interchange. Ang pinalawak na pagsasara sa katapusan ng linggo ay magsasama ng paunang abiso at isang naka-karatulang na pag-iba ng daanan.
Puyallup River Bridge at North Levee Road
Sa simula pa lang ng tag-araw ng 2026, gagawa na ang WSDOT ng bagong daanan na maaring gamitin ng mga hindi nakasasakyan (spuyaləpabš Trail) sa kahabaan ng Puyallup River Bridge at North Levee Road na kumukonekta sa Riverwalk Trail malapit sa North Meridian Avenue.
- Kailangang pansamantalang isara ng mga tauhan ang lane sa gabi para maglagay ng mga barikada sa work zone sa Puyallup River Bridge.
- Magbibigyan ng paunang abiso bago ang lahat ng pagsasara.
East Stewart Avenue
Ang mga tauhan ng konstruksyon ay magpapalawak ng North Meridian Avenue sa intersection ng East Stewart Avenue sa 2026 upang lumikha ng isang bagong kaliwang turn lane na makakatulong na mapabuti ang daloy ng trapiko sa lugar.
- Maaaring pansamantalang isara ang daanan at pansamantalang paghihigpitan ang paradahan sa North Meridian Avenue at East Stewart Avenue habang pinapalawak ng mga tauhan ang interseksyon.
SR 167
Gagawa ang mga tauhan ng bagong tulay sa Milwaukee Avenue East at palalawakin ang SR 167 sa pagitan ng SR 161/North Meridian Avenue at SR 410, kabilang ang muling pagtatayo ng SR 512 on- at off-ramp.
- Sa tag-init ng 2026, sa gilid ng daanan dadaan ang mga sasakyan habang ginagawa ang tulay at kalsada para ligtas na matapos ng mga tauhan ang kanilang trabaho at mabawasan ang epekto sa mga motorista.
- Sa tag-init ng 2026, maaaring asahan ng mga motorista ang pinalawig na pagsasara ng SR 167 northbound offramp hanggang westbound SR 512 sa weekend habang naglalagay ang mga tauhan ng metro at muling itinatayo ang rampa.
- Dapat asahan ng mga motorista ang karagdagang pansamantalang pagsasara ng rampa sa hilaga at timog ng SR 167 sa buong proyekto.
- Ang iisang pagsasara ng SR 161/North Meridian Avenue sa weekend ay pansamantalang maglilimita sa pag-access sa pagitan ng SR 167 at SR 512 sa Puyallup. Ang paunang abiso at naka-karatula na mga pag-iba ng daanan ay ibibigay bago ang lahat ng mga pagsasara.
SR 512 at Pioneer Way
Mag-lalagay ang mga tauhan ng mga de-kuryenteng kagamitan, bagong ramp meter at palalawakin ang mga ramp sa SR 512 at Pioneer Way sa pagitan ng 2026 at 2027.
- Maaaring asahan ng mga motorista ang pansamantalang pagsasara ng daanan at rampa habang tinatapos ng mga tauhan ang pag-aayos ng rampa sa interchange na ito.
- Sa tagsibol ng 2026, maaaring asahan ng mga drayber ang hanggang sa apat na pagsasara sa gabi ng SR 512 humigit-kumulang sa pagitan ng SR 167 at Pioneer Way habang ang mga tauhan ay nag-lalagay ng mga bagong karatula ng tulay.
- Magbibigay ng paunang babala bago ang lahat ng pagsasara.
SR 410
Maglalagay ang mga tauhan ng mga bagong karatula ng tulay sa SR 410, na mangangailangan ng dalawang gabing pagsasara ng highway sa pagitan ng SR 167 at Valley Avenue sa tag-init ng 2026. Maaari ding asahan ng mga motorista ang pansamantalang pagsasara ng rampa hanggang 2027 habang tinatapos ng mga tauhan ang mga pag-aayos sa kalsada. Ang mga paunang babala ay ibibigay bago ang lahat ng mga pagsasara.